Adnosna niadaŭna…

Raniej ja karystaŭsia AcidRipam dziela majoj rypavalščyny. Aplikaška była trochi old-schoolnaja, ź vialikaj kolkaściu dzivosaŭ, ale vierna prapracavała ŭ mianie ŭ jakaści asnoŭnaj partnerki (dziela spec-zadańniaŭ, оф коз) paru hadoŭ, a heta, kali chto viedaje, nie aby-što.

Adnak čas minaŭ, ja palez cikavicca Macintosham, a tam była aplikaška HandBrake. Nia vartaja asablivaj reklamy, bo dopis nie pra jaje. Tak, jana, vytrymanaja ŭ Macavym styli, usie zamaški na user friendly, eye candy, i ŭsio takoje, ale zroblenaja niejak nie-skažu-praz-što. Z versii na versiju štoraz horšaja. Adnak u mianie na słužbovym laptopie DVD admoviłasia prcavać amal adrazu paśla taho, jak pačało (Acer, tvaju tak), i hetaja HandBrake niejak pačała być majoj asnoŭnaj pragramkaj dziela RIPavańnia. Trochi pryvyk. I tut mnie daviałosia (nievypadkova) viarnucca da (staroha dobraha) Lunuksa, da AcidRip, a jano… naskroź hlučnoje. Ci heta ja advyk?

Karaciej, palez ja šukać alternatyvu, bo padumaŭ, što ciaham paru hadoŭ mahli prydumać niešta novaje, i — wow!

Vitajem novuju karalevu vyciahvańnia nievyciahvalnaha, spadaryniu Arista!

Pryjazny interfejs, biaz „much w nosie” i „tarakanaŭ u hałavie”. Prosta, čytelna, jakasna. Z chutkaściu nia tak usio ružova, ale j kamputar u mianie, skažam prama, amal veteran.  Karciej, lublu takija niečakanaści.

Da čaho ž technika dajšła! Rekamenduju z čystym sumleńniem.

Heta asabistyja razvažańni. Nazirańni. Kali siarod smartphonaŭ niama nivodnaj hodnaj alternatyvy dla iphona, inšyja Mac-avyja pradukty zamianić možna. Navat užo j našumieły iPad (nie minuła j niekalki dzion) maje trochi hodnych alternatyvaŭ sa śvietu PC. I vyhladajuć padobna (chacia, što tut možna prydumać?), i funkcyjanał pryblizna padobny. Nu, niama ŭ kankurentaŭ i-kniharni, ale vyjaviłasia, što ja zarana suciešyŭsia: ibookstore budzie ŭvachodzić va ŭžytak vielmi pavoli… Tak što ideja dobraja, ale čakajem lepšaj jaje realizacyi. Asabista ja spadziajusia, što pajavicca plugin pad (uzaravany viadoma-na-čym) Banshee.

Kali jość uzor erganomii i stylu, dyk čamu b nia čerpać? Taja ž HP (i, moža, Asus) viedaje, što kali niechta choča kupić niatanny laptop, to jon choča, kab toj laptop vydatna vyhladaŭ. A ŭzory designu šukajuć (słušna!) u madelach Apple.

Dyk i ja padumaŭ, što pry kupli novaha laptopa surjozna vaźmu pad uvahu HP Envy 13. Bo navošta vynachodzić rovar?

Mianie ŭžo nie cikavić MacBook Pro 13 unibody, i ja rady, što nie kupiŭ jaho ŭ svaim časie.

Viartajučysia ŭspaminami ŭ nia nadta adlehłuju historyju, zhadvaju, jak ja zachaplaŭsia reklamkami macintoshnaha softu, dzie, jak zdavałasia, było „ŭsio dla čałavieka!”. Siońnia, pamacaŭšy dastatkova hruntoŭna OS X (Leopard), vyrašyŭ vykłaści dumki, i pasprabavać paraŭnać jaje da Ubuntu (9.10).

Adrazu skažu: Leopard pry bližejšym znajomstvie rasčaravaŭ. Moža windowsnych switcheraŭ jon j zdolny zachapić, ale linuksnych naŭrad ci. Chacia, tut sprava ŭ patrebach, viadoma. Abjektyŭna sučasnamu karystalniku kamputar patrebny z bolšaha dziela:

• Spraŭnaha kiravańnia virtualnym nažytkam: muzykaj, fotkami, filmami j tekstami. A taksama dziela tvareńnia/madyfikacyi novych rečaŭ u hetych kategoryjach.
• Sieciva: web i kamunikacyja (u tym liku abmien fajłami, u tym liku praz „chmarki”).
• U maim pryvatnym vypadku važnym bokam była mahčymaść dastasavańnia systemy da pracy ź biełaruskimi tekstami: pravierka pravapisu, uvod tekstu.

Jak hetym zadačam dajuć rady adna j druhaja OS? Continue reading

Ot, nia pieršy raz baču, a zaŭždy biantežusia, i ciapier niešta nie ściarpieŭ. Kali ŭklučyć biełaruski łacinkavy interfejs, časam siam-tam va Ŭbuntu jak tyja vošy vyłaziać kiryličnyja frazački — pradukt radasnaj tvorčaści kahości, u kaho, ja spadziajusia, ruki ŭžo adsochli.

Lakalizatary sranyja. Prosta Naša Niva niejkaja! A potym jany ździŭlajucca: „čamu heta ludziam nie padabajecca Linux?” Ci „čamu heta ludzi nia lubiać biełaruskaj lakalizacyi/movy?”. Tamu!

U najnoŭšym Ubuntu SCIM pracuje „z karobki”, ale ŭ mianie jon nie pracavaŭ pa ŭsioj systemie, i daviałosia źmianić nałady…

sudo gedit /etc/X11/xinit/xinput.d/scim


na takija:

XIM=SCIM
XIM_PROGRAM=/usr/bin/scim
XIM_ARGS="-d"
XIM_PROGRAM_SETS_ITSELF_AS_DAEMON=yes
GTK_IM_MODULE=scim-bridge
QT_IM_MODULE=scim-bridge
DEPENDS="scim,scim-anthy|scim-canna|scim-chewing|scim-pinyin|scim-hangul|scim-prime|scim-skk|scim-tables-additional|scim-m17n|scim-uim|scim-tables-ja|scim-tables-ko|scim-tables-zh"

Ciapier uvod pracuje pa ŭsioj systemie, za vyklučeńniem Opery i Skype, jakija ŭžyvajuć biblijateki QT. Lohka admovicca ad Skype, ale jak admovicca ad Opery, adzinaj pragramy, jakaja praviaraje pravapis biełaruskaj łacinki??? Tak i trymaju jaje, zainstalavanuju, „na pamiać”. :)

Darečy, hety dopis maje charaktar vuziełka na pamiać, kab potym nie šukać pa ŭsim siecivie. Ja viedaju, vas hetyja prablemy naŭrad ci datyčać.