Adzin pajšoŭ vajnoj na ŭłasny rozum, i radasna pieramoh jaho, vyjmajučy prykłady z kantekstu, i kładučy ich u inšy kantekst. Druhi ŭziaŭ usio heta, i raźviŭ „vučeńnie”, kidajučy haŭno na ventylatar.
Nie sprabujcie zrazumieć, kudy jany niasuć svaju kryŭdu, tak horda trymajučy jaje nad hałovami, ale kali vas cikavić pryroda srača, vy jaje ŭžo viedajecie. Vizualizacyja tut.
Cetliki: dyskusii, Nia raju, Sieciŭnaje, sprečnaje, User manual
Vyjaŭlajecca, što Tavaryš Rycyna, ź jahonaj čysta zaalagičnaj nianaviściu da łacinki, jašče j mazachist. Niekatory čas tamu jon (uskosna) prahavaryŭsia, što čytaje mianie:
Што я больш за ўсё не люблю ў блогах. (…) Тое, што няма на вас юзэра rydel23.
Mianie Svaboda cytavać baicca, dyk choć tak. Vialikaje, кгрыцца, pravasłaŭnaje danke i na tym.
Cetliki: Cytaty, Sieciŭnaje
Dubaviec dačakaŭsia nastupcaŭ. Pišuć šmat, ź junackim zadoram i biessaromnym pačućciom misii. Pacany ličać siabie zabaŭnymi (a čytackija vodhuki hetamu ŭskosnaje paćvierdžańnie), chacia z tekstaŭ patychaje žałosnym, typova hiphopavym sumnym i chamskim humaram.
Ciekawostka przyrodnicza.
Cetliki: Sieciŭnaje
My (nia ŭsie) doŭha bilisia z “fiendami-siabrami”, až pastupova navučylisia ŭrešcie (nia ŭsie), što heta niešta inšaje, čym siabry. Niechta inšy. Nu, praŭda, jakija ž siabry, kali nia kožny ź ich dazvolić źviartacca da jaho na “ty”, i nia kožnamu ty pakinuŭ by kluč ad kvatery “где деньги лежат©”?
Pačali pajaŭlacca “čytačy”, “znajomyja”, “susiedzi”, “tavaryšy”… Karaciej, pačaŭsia niejki praces, jaki možna nazvać myśleńniem.
Miž tym, angłamoŭnaja vakolica sieciva taksama, mabyć, adčuvaje, što akreśleńnie “friends” — pry ŭsich ahavorkach na ŭmoŭnaść paniatkaŭ — nia ŭsim pasuje. I tut pajavilisia “followersy”. Užo nia tolki na twittery, jak vyjaŭlajecca (fajny servis, darečy, prykrucicie sabie).
Cikava, jaki prydumajuć pierakład našyja?
Cetliki: Mova, Pierakłady, Sieciŭnaje
Niekatory čas tamu chłopcy z administracyi boo.pl zablakavali moj kont, jaki, jak vyjaviłasia, generavaŭ skryptami nadta vialikija lagi na servery. Tamu slounik.pl časova prypynieny.
Dziakujučy hetamu pierapynku ja raptam daviedaŭsia, što hety słoŭnik patrebny nia tolki mnie, a jašče niekatoraj (nie takoj vialikaj, ale ŭsio ž) kolkaści ludziej. I kali mnie hety prajekt patrebny ŭ jakaści dobraj zabavy i eksperymentu nad samim saboj, to ludziam jon patrebny dziela inšych metaŭ: chtości regularna karystajecca kanvertaram, chtości karystajecca im u jakaści dapamožnaj pryłady na pracy. Pryčym, ludzi pierajmajucca, što słoŭnik začynieny. Vo jak! Kali b nie začyniŭ jaho, nikoli b nie daviedaŭsia pra takoje.
A ja ŭžo źbiraŭsia byŭ, hrešnym dziełam, spakavać usio zroblenaje, ekspertavać u pdf, i paviesić dla zahruzki ŭ versii offline. Pakul nia budu hetaha rabić.
Pierapynki patrebnyja. Kažu vam.
Cetliki: Matyvacyja, Sieciŭnaje
