Adnosna niadaŭna

Raniej ja karystaŭsia AcidRipam dziela majoj rypavalščyny. Aplikaška była trochi old-schoolnaja, ź vialikaj kolkaściu dzivosaŭ, ale vierna prapracavała ŭ mianie ŭ jakaści asnoŭnaj partnerki (dziela spec-zadańniaŭ, оф коз) paru hadoŭ, a heta, kali chto viedaje, nie aby-što.

Adnak čas minaŭ, ja palez cikavicca Macintosham, a tam była aplikaška HandBrake. Nia vartaja asablivaj reklamy, bo dopis nie pra jaje. Tak, jana, vytrymanaja ŭ Macavym styli, usie zamaški na user friendly, eye candy, i ŭsio takoje, ale zroblenaja niejak nie-skažu-praz-što. Z versii na versiju štoraz horšaja. Adnak u mianie na słužbovym laptopie DVD admoviłasia prcavać amal adrazu paśla taho, jak pačało (Acer, tvaju tak), i hetaja HandBrake niejak pačała być majoj asnoŭnaj pragramkaj dziela RIPavańnia. Trochi pryvyk. I tut mnie daviałosia (nievypadkova) viarnucca da (staroha dobraha) Lunuksa, da AcidRip, a jano… naskroź hlučnoje. Ci heta ja advyk?

Karaciej, palez ja šukać alternatyvu, bo padumaŭ, što ciaham paru hadoŭ mahli prydumać niešta novaje, i — wow!

Vitajem novuju karalevu vyciahvańnia nievyciahvalnaha, spadaryniu Arista!

Pryjazny interfejs, biaz „much w nosie” i „tarakanaŭ u hałavie”. Prosta, čytelna, jakasna. Z chutkaściu nia tak usio ružova, ale j kamputar u mianie, skažam prama, amal veteran.  Karciej, lublu takija niečakanaści.

Da čaho ž technika dajšła! Rekamenduju z čystym sumleńniem.

Viartajučysia ŭspaminami ŭ nia nadta adlehłuju historyju, zhadvaju, jak ja zachaplaŭsia reklamkami macintoshnaha softu, dzie, jak zdavałasia, było „ŭsio dla čałavieka!”. Siońnia, pamacaŭšy dastatkova hruntoŭna OS X (Leopard), vyrašyŭ vykłaści dumki, i pasprabavać paraŭnać jaje da Ubuntu (9.10).

Adrazu skažu: Leopard pry bližejšym znajomstvie rasčaravaŭ. Moža windowsnych switcheraŭ jon j zdolny zachapić, ale linuksnych naŭrad ci. Chacia, tut sprava ŭ patrebach, viadoma. Abjektyŭna sučasnamu karystalniku kamputar patrebny z bolšaha dziela:

• Spraŭnaha kiravańnia virtualnym nažytkam: muzykaj, fotkami, filmami j tekstami. A taksama dziela tvareńnia/madyfikacyi novych rečaŭ u hetych kategoryjach.
• Sieciva: web i kamunikacyja (u tym liku abmien fajłami, u tym liku praz „chmarki”).
• U maim pryvatnym vypadku važnym bokam była mahčymaść dastasavańnia systemy da pracy ź biełaruskimi tekstami: pravierka pravapisu, uvod tekstu.

Jak hetym zadačam dajuć rady adna j druhaja OS? (bolej…)

Jak ja ŭžo pisaŭ, biełaruskaja łacinkavaja raskładka ŭ Ubuntu kančatkova mnoj adkinutaja, bo jana pracuje z pamyłkami.

Na ščaście, Ubuntu 9.04 daje karystalnikam poŭnuju absłuhu SCIM, tamu ja vyraszyŭ zrabić peŭnyja „pierastanoŭki” ŭ majoj systemie: pakinuŭ tolki adnu polskuju raskładku, i ŭžyvaju jaje pry ŭklučanaj biełaruskaj łacinkavaj raskładcy SCIM (ź jakoj uvodžu adno litary ž, č, š, ŭ, dy niekatoryja znaki). Dziakujučy hetamu u mianie abiedźvie raskładki pad rukoj bieź nijakaha pieraklučeńnia (nia ličačy ŭvodu tekstu ad ruki, pra jaki ja pisaŭ pierad hetym), a kirylicu ja mahu ŭklučać adnym klikam.

Mnie padabajecca.

Viadoma, heta nie OS X, dzie pry dapamozie Ukelele možna zrabić sabie takuju raskładku, jakuju lubiš, i nie karystacca pratezami (darečy, čamu pad Linux nichto takoha nie zrabiŭ? Dzie ŭsie hetyja našyja „najlepšyja na śviecie” samachvały-pragramisty?), ale ničoha lepšaha ja pakul što nie prydumaŭ. Čym i chvalusia.

Na temu:
Pišam kirylicaj biez raskładki

Fajły:
• Biełaruskija raskładki SCIM (łacinka i kirylica-tranślit)
• Maje raskładki dla OS X (kirylica i łacinka)

Havaryŭ niadaŭna z adnym čałaviekam, dyk toj śćviardžaje, maŭlaŭ pradukty Apple u Polščy nastolki darahija, što kuplać ich moža albo manjak/iracyjanalny typ, jakomu ŭsio roŭna, kolki jon zaplacić za pradukt ulubionaj firmy, albo bahacieńki snob. Ja zadumaŭsia, jakoje z hetych akreślenniaŭ bolš pasuje da mianie, i nia zmoh vybrać. Mabyć, pasujuć abodva.

Užo niekatory čas pryhladajusia da OSX, i mnie štoraz bolš padabajecca. Adnačasova źmianšajecca maja kolišniaja zachoplenaść Linuksam. Jon mnie nadalej padabajecca, ale ŭžo nie nastolki kab… Navat apošniaja versija Ubuntu, stvaralniki jakoj, zdajecca, iduć u svaich napracoŭkach u bok Leoparda, nie zachaplaje, chacia kirunak raźvićcia ŭ ich nibyta j dobry.

Ja doŭhi čas staraŭsia pavieryć u toje, što Linux heta dla ludziej. I pavieryŭ. Adnak prablema ŭ tym, što ja nie naležu da tych ludziej. A da Windows ja b i z-pad pałki ŭžo nie viarnuŭsia.

Znajšoŭ taki… :)

Heta ja ŭsio pra toje ž…

Dumajučy pra pierasadku na MacBook, ja starajusia pradbačyć usie mahčymyja sytuacyi. Viadoma, usiaho, mabyć, nia ŭdasca, ale varta razhledziecca. Bo meta nia ŭ tym, kab stvaryć sabie novyja prablemy, a kab vyrašyć staryja.

OSX daje karystalniku niemałyja mahčymaści, pryblizna padobnyja da Linuksavych — kolkaść i jakaść funkcyjaŭ “z karobki” taksama paraŭnalnyja. U pryncypie, mnie patrebnaja ŭpeŭnienaść, što OSX budzie pracavać nia horš za Linux. Treba skazać (tut paklony ŭsim maim linuksnym guru), što ja dastatkova razbeščany karystalnik, a ŭ OSX nia ŭsio tak ružova… Zrešty, a dzie jano ružova? A ci možna niešta źmianić?

Prablema tut jašče j takaja, što kali tabie paščaściła być biełarusam, navat krutaja macintoshnaja technika nie daje harantyi pośpiechu. Sonca ŭ vočy, viecier u tvar, jak niechta tam žaliŭsia.

Voś ža, na padstavie taho, da čaho ja pryvyk u Linuksie, ja padzialiŭ svaje vymahańni na 2 hrupy: absalutna nieabchodnaje i prosta patrebnaje.

Absalutna nieabchodnaje
• Mahčymaść uvodu biełaruskaj łacinki j kirylicy pa ŭsioj systemie biez nieabchodnaści ŭžyvańnia pratezaŭ typu Input Methods albo brydkich nalepak na klavijaturu. Varyjant: mahčymaść lohka stvaryć ułasnyja raskładki. Znajšoŭ niekalki cikavych pryładaŭ. Na pieršym miescy hetaja. Zdajecca, ja spakojna zrablu sabie polska-biełaruskuju łacinkavuju i tranślitna-kiryličnuju. A moža heta tolki zdajecca.
• Mahčymaść pravierki biełaruskaha pravapisu — narkamaŭki j taraškievicy — prynamsi na ŭzroŭni niekatorych aplikacyjaŭ. Chacia b Aspell. Pakul što znajšoŭ šmat dopisaŭ na forumach, što z Aspell mnostva prablemaŭ, a instalacyja niaprostaja. Karaciej, tut ja zusim nia ŭpeŭnieny ŭ pośpiechu. Heta adna z rečaŭ, jakija mianie niepakojać. Pakul što treba budzie hladzieć tut.

Prosta patrebnaje
• Chutkija natatki z adnaho klicka, jak Tomboy.
• Rapart pra nadvorje pierad vačyma. (Widgets)
• Efekt zoomu z klavijatury, jak u Compiz. (Kažuć, što Ctrl+prakrutka)
• Mahčymaść źmieny vyhladu systemy. Voś, naprykład, niebłahaja kalekcyja, chacia sajt Gnome Look vyhladaje bolš salidna.

Pa ŭsich punktach adnosna spakojny. Zdajecca, čaho, čaho, a prybambasaŭ dla OSX narabili mnostva. Karaciej, ustupna sytuacyja nia strašnaja. U lubym vypadku, jość Parallels Desktop i Ubuntu, jakoje na novym MacBooku pavinna pracavać nia horš, čym na starym PC, ale mnie ŭsio bolš i bolš zdajecca, što takoj patreby moža j nia być.

+ Pračytaŭ jašče adzin cikavy artykuł: kali dazvalajuć finansy, najlepiej zakupić MacBook, dainstalavać jamu Ubuntu, i dasiahnuć Nirvany.