Dažylisia!

Raniej ja karystaŭsia AcidRipam dziela majoj rypavalščyny. Aplikaška była trochi old-schoolnaja, ź vialikaj kolkaściu dzivosaŭ, ale vierna prapracavała ŭ mianie ŭ jakaści asnoŭnaj partnerki (dziela spec-zadańniaŭ, оф коз) paru hadoŭ, a heta, kali chto viedaje, nie aby-što.

Adnak čas minaŭ, ja palez cikavicca Macintosham, a tam była aplikaška HandBrake. Nia vartaja asablivaj reklamy, bo dopis nie pra jaje. Tak, jana, vytrymanaja ŭ Macavym styli, usie zamaški na user friendly, eye candy, i ŭsio takoje, ale zroblenaja niejak nie-skažu-praz-što. Z versii na versiju štoraz horšaja. Adnak u mianie na słužbovym laptopie DVD admoviłasia prcavać amal adrazu paśla taho, jak pačało (Acer, tvaju tak), i hetaja HandBrake niejak pačała być majoj asnoŭnaj pragramkaj dziela RIPavańnia. Trochi pryvyk. I tut mnie daviałosia (nievypadkova) viarnucca da (staroha dobraha) Lunuksa, da AcidRip, a jano… naskroź hlučnoje. Ci heta ja advyk?

Karaciej, palez ja šukać alternatyvu, bo padumaŭ, što ciaham paru hadoŭ mahli prydumać niešta novaje, i — wow!

Vitajem novuju karalevu vyciahvańnia nievyciahvalnaha, spadaryniu Arista!

Pryjazny interfejs, biaz „much w nosie” i „tarakanaŭ u hałavie”. Prosta, čytelna, jakasna. Z chutkaściu nia tak usio ružova, ale j kamputar u mianie, skažam prama, amal veteran.  Karciej, lublu takija niečakanaści.

Da čaho ž technika dajšła! Rekamenduju z čystym sumleńniem.

GNOME aka ГНОМ

Ot, nia pieršy raz baču, a zaŭždy biantežusia, i ciapier niešta nie ściarpieŭ. Kali ŭklučyć biełaruski łacinkavy interfejs, časam siam-tam va Ŭbuntu jak tyja vošy vyłaziać kiryličnyja frazački — pradukt radasnaj tvorčaści kahości, u kaho, ja spadziajusia, ruki ŭžo adsochli.

Lakalizatary sranyja. Prosta Naša Niva niejkaja! A potym jany ździŭlajucca: „čamu heta ludziam nie padabajecca Linux?” Ci „čamu heta ludzi nia lubiać biełaruskaj lakalizacyi/movy?”. Tamu!

„Розкладко руска Францызско Скоріны”, abo jak pisać, kab nie абпісаццо

Jak ja ŭžo pisaŭ, biełaruskaja łacinkavaja raskładka ŭ Ubuntu kančatkova mnoj adkinutaja, bo jana pracuje z pamyłkami.

Na ščaście, Ubuntu 9.04 daje karystalnikam poŭnuju absłuhu SCIM, tamu ja vyraszyŭ zrabić peŭnyja „pierastanoŭki” ŭ majoj systemie: pakinuŭ tolki adnu polskuju raskładku, i ŭžyvaju jaje pry ŭklučanaj biełaruskaj łacinkavaj raskładcy SCIM (ź jakoj uvodžu adno litary ž, č, š, ŭ, dy niekatoryja znaki). Dziakujučy hetamu u mianie abiedźvie raskładki pad rukoj bieź nijakaha pieraklučeńnia (nia ličačy ŭvodu tekstu ad ruki, pra jaki ja pisaŭ pierad hetym), a kirylicu ja mahu ŭklučać adnym klikam.

Mnie padabajecca.

Viadoma, heta nie OS X, dzie pry dapamozie Ukelele možna zrabić sabie takuju raskładku, jakuju lubiš, i nie karystacca pratezami (darečy, čamu pad Linux nichto takoha nie zrabiŭ? Dzie ŭsie hetyja našyja „najlepšyja na śviecie” samachvały-pragramisty?), ale ničoha lepšaha ja pakul što nie prydumaŭ. Čym i chvalusia.

Na temu:
Pišam kirylicaj biez raskładki

Fajły:
• Biełaruskija raskładki SCIM (łacinka i kirylica-tranślit)
• Maje raskładki dla OS X (kirylica i łacinka)

Intehracyja Google Calendara sa stałom Gnome

U adnaho tavaryša padhledzieŭ dobruju instrukcyju, jak intehravać googleaŭskija kalendary sa stałom Gnome.

Hladzim u naładach kalendaroŭ (Kiruj kalendarami > Nazva kalendara) pryvatny adras ical, i kapijujem sabie pa čarzie adrasy ŭsich svaich kalendaroŭ. Potym uklejvajem u terminał u takim vyhladzie:

/usr/lib/evolution-webcal/evolution-webcal pryvatny_adras_ical

Kožny kalendar asobna. Jašče pajavicca akno, u jakim možna akreśić častatu aktualizacyi źviestak.

Ciapier kalendary Google buduć źintehravanyja z Evolution, i praź jaje trapiać prama na rabočy stoł, dziakujučy čamu možna chutka j vyhodna prahladać zaplanavanyja padziei.

Nia viedaju, ci budzie hety fokus pracavać z Gnome u najnoŭšaj versii.

Ci Evalucyja budzie evalucyjanavać?

Ja ź vialikaj dystancyjaj padychodžu da prahramaŭ fundacyi Mozilla. Jany mnie nie padabajucca — biez abhruntavańniaŭ, čysta subjektyŭna. Šmat razoŭ sprabavaŭ palubić Firefox i inšyja vynachodžańni, i zaŭždy zakančvałasia „razvodam”. Mnie ŭ ich pieraškadžaje ŬSIO, albo ŭsiaho nie staje, i tamu starajusia karystacca alternatyvami. Bałazie, jość mega-vyhodnaja Opera (idealny web-hartač, kali b nie nulavaja intehracyja z asiarodździem Gnome i trochi archaičnyja dadatki) i Gmailaŭski bukiet web-aplikacyjaŭ, tak što žyć usio ž možna.

Zrešty, budu ščyrym, „rodnaja” gnomeaŭskaja Evolution mianie nie zachaplaje taksama, choć ja j daŭ sabie słova karystacca joj paśla taho, jak pierakładu. (Ad novaha relizu Ubuntu hetak budzie. Až trochi bajusia.) Niešta jany tam namudryli, hetyja evalucyjanery. Bolšaść važnych naładaŭ schavali tak, što ja tak i nie zrazumieŭ, dzie ich šukać, chacia paśla pierakładu ja dakładna viedaju, što jany jość. Peŭna tam, dzie i ŭsio astatniaje, u zahadnym radku, a hety adhałosak zaŭčorašniaha dnia kamputaraŭ taksama nie dla mianie. Zrešty, moža kab ich znajści, treba jašče j instrukcyju karystalnika pierakłaści?

I voś pamacaŭ źnianacku novy pradukt, Spicebird, jaki akazaŭsia dosyć pryjaznym PIMam. Lohki, prazrysty, dobra intehravany z Gnome. Jość svaje duraści, kštałtu čytałki kanałaŭ RSS, hadzińničkaŭ ci IM, ale mianie b chutčej ździviła adsutnaść lišnich navarotaŭ u pradukcie Mozilli. Adnak, kali prypluščyć na ich voka, PIM z Sunbirda vychodzić ničoha sabie. Trochi biednavaty ŭ funkcyi, ale mahčyma, što aŭtary chacieli zrabić PIM dla askietaŭ. ;)

Karaciej, karystacca Spicebirdam zarana, ale stvaralnikam Evolution narešcie niechta topča pa piatkach. I dobra. Viadoma, pytańnie ci budzie Evalucyja evalucyjanavać zastajecca adkrytym, ale ahulny klimat mnie padabajecca.