Adnosna niadaŭna...

Pierac?

Aleksander — Thu, 11 Mar 2010 20:43:19 +0000

Mały šakaladzić sabie viačeru.

Praryŭ?

Aleksander — Mon, 08 Mar 2010 07:59:53 +0000

Kali vy nia ŭ kursie, biełaruskija lakalizatary supolnym frontam rušyli ŭ boj za prysabiečvańnie interfejsaŭ. Prynamsi, tak heta vyhladaje.

Nie zvažajučy na (niajasny) ŭdzieł u hetym TBM, inicyjatyva dobraja. Praŭda, u majoj pamiaci takich dobrych inicyjatyvaŭ nie adna, i nia dźvie, ale musić ža kali-niebudź adbycca praryŭ.

Rekamenduju abaznanym.

Jeździk

Aleksander — Sun, 07 Mar 2010 19:02:43 +0000

Aspell

Aleksander — Sat, 06 Mar 2010 21:01:06 +0000

Toj, chto ŭžyvaje Aspell dziela pravierki biełaruskaha pravapisu, viedaje, što słoŭnik hety daloka nie daskanały. Z druhoha boku, ničoha lepšaha ŭ nas niama. Ja niekatory ŭžo čas na pryvatny ŭžytak rablu dadatak da Aspell — z dapaŭnieńniami j papraŭkami.

Vyrašyŭ pačastavać zacikaŭlenych. Fajły buduć abnaŭlacca raz na 6 miesiacaŭ, i ich zaŭždy možna budzie znajści ŭ mianie ŭ Razdačach.

Abviestka

Aleksander — Fri, 05 Mar 2010 12:40:25 +0000

Prymacavaŭ da bloga adzin fajny plugin, dziakujučy jakomu možna pisać i (ja viedaju, niekatorym heta važna) čytać maje dopisy ŭ kirylicy, a taksama pa-polsku. Pracujuć taksama kanały rss dla adpaviednych moŭnych versijaŭ.

Ściažki z paznačeńniem movy ciažka nie žаŭvažyć. Tolki nie kryŭdujcie z pryčyny zialona-čyrvonaha ściahu pry kirylicy. Heta nie (da kanca) naŭmysna. :)

Asabliva rekamenduju tym, chto vyvučaje polskuju pry dapamozie paraŭnaŭčaha metadu.

Mañana!

Aleksander — Thu, 04 Mar 2010 17:47:45 +0000

Vy zaŭvažyli, što biełarusaŭ — niezaležna ad płocievych i ŭzrostavych roźnicaŭ — łučyć niejkaja niemaviedama adkul uziataja, i aktyŭna praktykavanaja mañana?

Ja moh by pryvodzić šmatlikija prykłady hetaj „zahadkavaj słavianskaj dušy”, uziatyja z majoj ułasnaj praktyki, albo z narakańniaŭ kalehaŭ-palakaŭ, ale važnyja ž nia prykłady, a sama źjava.

Adkul heta? Kali jano pačałosia? Raniej ja hetaha čamuści nie zaŭvažaŭ.

Prosta chočacca sieści j płakać časam.

Syn

Aleksander — Sun, 28 Feb 2010 14:57:32 +0000

Hladžu na Anatola, i ŭjaŭlaju jaho darosłym. Dakładniej, sprabuju ŭjavić, ale nie ŭdajecca. Naahuł, niejak ciažka i strašnavata dumać pra budučyniu. A voś jamu — lohka, bo budučynia i jon iduć razam. Zrešty, kali tak na jaho hladžu, nia ŭsio padajecca takim strašnym. Dy j ni pry čym ja da jahonaj budučyni. Čym dalej, tym bolej.

Heta Ios

Aleksander — Fri, 26 Feb 2010 15:59:19 +0000

Dakładniej, Ios XL. Z usich raskładnych rovaraŭ, ź jakimi ja paznajomiŭsia padčas apošniaha researchu (kožnaja dobraja firma maje ŭ repertuary raskładušku, vybar vialiki), najbolš spadabaŭsia voś hety:

Vo dzie kachańnie ź pieršaha pozirku! Nie chaču nijakich ruchavičkoŭ, maru ŭziać hety Los u svaje nohi!

Nu, doraha, praŭda… Ale ŭsio astatniaje — plusy. Naprykład, miesca na prymacavańnie iphoneа i siłkavańnie ad dynama na USB. Nu, nie šykoŭna?

Jašče zdaraviejšy minimalizm

Aleksander — Thu, 25 Feb 2010 19:07:30 +0000

Vydaliŭ konty z Facebooka i linkedin. Facebook nadta šmat času zabiraŭ, a Linkedin nia spraŭdziŭsia.

Aktualizacyja: Facebook uklučyŭ znoŭ. Nudna bieź jaho.

Zdarovy minimalizm

Aleksander — Fri, 19 Feb 2010 14:57:08 +0000

Adkruciŭ toj buzz, i, skažu vam, adrazu niejak spakajniej na dušy. Nie, u dušu ja nia vieru, ale ŭ azdaraŭlenčuju siłu minimaizmu — tak. Vyrašyŭ niešta padobnaje zrabić u jašče adnym aspekcie majoj sieciŭnaj prysutnaści: kamunikatarach. Darahija maje siabry, pryjacieli, tavaryšy, i ŭsio astatniaje, nie šukajcie mianie na:

icq (stary pratakoł, jaki daŭno treba zabaranić, a bolšaść useraŭ maje hłyboka rasiejskuju mentalnaść — u seńsie unicode, jakoha jany pad svaimi Windowsami nie pryznajuć)
gg (zabyŭsia ja spačatku parol, a ciapier i svoj numar, zrešty na gg ja razmaŭlaŭ usiaho ź dźviuma asobami, adnoj ź jakich, na žal, nia bačyŭ užo bolš za hod, a spamu j reklamy nia mienš, čym z icq. Škada stracić tyja kantakty, ale chaj hetaja hara sama parupicca pryjści.)
skype — duracki pratakoł, i linuksny klijent, jaki nia moža zadavalniać. Nie vydalaju skype, bo jość paračka artadaksalnych tavaryšaŭ, jakija figurujuć tolki tam, ale znajści mianie ŭ skype budzie nialohka.

Šukajcie mianie na jabbery (gtalk), i abaviazkova znojdziecie!

Vaš aleksander.navicki@gmail.com.