Adnosna niadaŭna…

Viartajučysia ŭspaminami ŭ nia nadta adlehłuju historyju, zhadvaju, jak ja zachaplaŭsia reklamkami macintoshnaha softu, dzie, jak zdavałasia, było „ŭsio dla čałavieka!”. Siońnia, pamacaŭšy dastatkova hruntoŭna OS X (Leopard), vyrašyŭ vykłaści dumki, i pasprabavać paraŭnać jaje da Ubuntu (9.10).

Adrazu skažu: Leopard pry bližejšym znajomstvie rasčaravaŭ. Moža windowsnych switcheraŭ jon j zdolny zachapić, ale linuksnych naŭrad ci. Chacia, tut sprava ŭ patrebach, viadoma. Abjektyŭna sučasnamu karystalniku kamputar patrebny z bolšaha dziela:

• Spraŭnaha kiravańnia virtualnym nažytkam: muzykaj, fotkami, filmami j tekstami. A taksama dziela tvareńnia/madyfikacyi novych rečaŭ u hetych kategoryjach.
• Sieciva: web i kamunikacyja (u tym liku abmien fajłami, u tym liku praz „chmarki”).
• U maim pryvatnym vypadku važnym bokam była mahčymaść dastasavańnia systemy da pracy ź biełaruskimi tekstami: pravierka pravapisu, uvod tekstu.

Jak hetym zadačam dajuć rady adna j druhaja OS?

Chaos vs paradak, zamaročki vs intuicyjnaść

Toje, što karystalnik atrymoŭvaje ź Leopardam, na pačatku ŭražvaje mahčymaściami, ale pry bližejšym znajomstvie vylaziać chiby: systemny iChat abmiežavany da małoj kolkaści pratakołaŭ, Safari — tarmazny, a kiraŭnik fajłaŭ zdolny razdražniać draŭlanaściu. Naprykład, nie ŭdałosia jaho navučyć pierachoplivać klavijaturu, a pra vydaleńnie fajłaŭ backspaceam niama čaho j maryć. Ja ŭžo nie kažu pra takija „zavobłačnyja” vyšyni, jak bolš tonkaje dastasoŭvańnie jaho pracy, ci pašyreńni, jakich Nautilus maje dastatkova šmat.

Lik — 0:1

Žyćciova nieabchodnaje

Aplikacyi pakietu iLife, poŭnyja nia tolki pryhožych prymočak, ale j niefunkcyjanalnyja, ci ŭvodziać biazładździe zamiest ładu. Adrazu ž źviartaje na siabie ŭvahu dziŭny sposab arhanizacyi kantentu ŭ „jabłyčnaj systemie”. Kali pad Linuksam čałaviek viedaje, dzie lažać jahonyja medyjafajły, jakija jon prahladaje pad Banshee albo Rhythmboksam, to karystalnik Maca davieryŭšy svaje fajły systemnamu iTunesu, ličy što stračvaje kantrol nad fajłami. Toje samaje možna skazać i pra iPhoto, u jakim možna rabić mnostva niepatrebnych rečaŭ, ale niemahčyma pabačyć svaju fotku ŭ maštabie 1:1, albo vydalić jaje (taksama z dysku) biaź lišnich pytańniaŭ. Kolkaść zapasnych kopijaŭ, jakaja paŭstaje pry pracy z fajłami moža tolki zasmučvać.  U hetym sensie F-Spot ci Rhythmbox jaŭna vyjhrajuć.

Ja ŭžo nie kažu pra aplikacyju iWeb, jakaja funkcyjanalnaściu i kolkaściu pradukavanaha brudu vielmi nahadvaje FrontPage Express (kali chto jašče jaho pamiataje). Za aknom daŭno lutuje web2.0, pra što stvaralniki hetaj pryhožaj, ale nieprydatnaj pryłady vierahodna nie padumali. Kali b kamuści patrebnaja była prostaja staronka www, na sites.google.com čałaviek moža zrabić bolš funkcyjanalny sajt z amal usimi sučasnymi funkcyjami.

Čarhovaja nieprydatnaja (ci, moža, prydatnaja vuzkamu kołu ludziej, ja nie zrazumieŭ) aplikacyja: GarageBand. Pryznajusia, ja nia zmoh razabracca, što tam u joj da čaho. Nieprydatnaja niejkaja, zdajecca.

U Linuksie vyrazna nie staje hodnych adpaviednikaŭ iMovie i iDvd. Jany jość, ale nie z karobki, a nazvać ich hodnymi ciažka. GarageBand ci iWeb nikomu nie patrebnyja. U Macu niama adpaviednika Tomboya (možna zainstalavać linuksny, ale jon nie pracuje tak dobra).  Ni tam ni tam niama „z karobki” aplikacyi da kiravańnia tekstami, a jana ŭžo daŭno patrebnaja. Dumaju, heta pavinna źmianicca.

Lik — 1:1.

„Chmarki”

Mac daje svaim karystalnikam dostup da „kanfesijna słušnaj” pasłuhi Mobile Me. Mnie spadabałasia, što web-aplikacyі me.com stylistyčna pierahukajucca ź Leapardam, ale sami pasłuhi nia ŭrazili. Jany, zdajecca, taksama buksujuć niedzie na pamiežžy web 1.0 i web 2.0. Fotki sońnia ŭsie j tak trymajuć na flickrach z Facebookami. A kantakty, pošta j kalendary? Kamu siońnnia patrebnaja płatnaja pošta @me.com, pry žyvym google? A chto siońnia nie karystajecca drop-boksam ci box-netam — ruku ŭ haru!

Ubuntaŭski adpaviednik, praŭda, bolš ścipły, i taksama (čamuści) prapanuje synchranizavać z chmarkaj kantakty, ale taksama dazvalaje synchranizavać natatki Tomboya (adna z asnoŭnych pryładaŭ GTD ŭ maim vypadku — daŭno čakanaja funkcyja!) i daje 2 GB biaspłatnaha miesca na što chočaš, čym možna dzialicca z kim chočaš. Z mahčymaściu dakupić miesca za nievialikija hrošy. I chacia servis usio jašče ŭ fazie Beta, ideja sapraŭdy vydatnaja.

Leopard i Ubuntu dajuć pryblizna padobnuju mahčymaść ADDALENA pracavać z „googlaŭskaj chmarkaj”, u jakoj usie maje kantakty, pošta i kalendary. Google maje dobrych prahramistaŭ, ale na designeraŭ u ich hrošaj nie chapiła, tamu karystacca ichnymi web-aplikacyjami z uzroŭniu web-hartača mnie, jak i kožnamu inšamu estetu baluča j srašna. ;)

Lik – 0:1

„Naša niva” (nia błytajcie z Našaj Nivaj)

Pad Macam mnie ŭdałosia lohka zrabić kiryličnuju j łacinkavuju raskładki „pad siabe”. Niedasiahalnaja reč pad Linuksam.

Ubuntaŭskija metady ŭvodu (SCIM) faktyčna na 100% zamianiajuć raskładku. Z karobki ŭ linuksie jość raskładki — navat łacinkavaja. U Macu niama.

U linuksie lohka zainstalavać i praviarać biełaruski pravapis (Aspell). Mac daje takuju mahčymaść, ale na vielmi tearetyčnym uzroŭni: možna vykupić darahi pakiet, i prafesijanały nam prykruciać pravierku pravapisu. Z karobki možna praviarać anhielski pravapis.

Linux daje dostup taksama da interfejsu, pierakładzienaha na šmatlikija movy. Taksama na biełaruskuju. Taksama na łacinku. Pierakładzieny interfejs kamputara, i niekatoryja prahramy. Jakaść i paŭnata hetych pierakładaŭ byvaje roznaj, ale patencyjnyja mahčymaści pad Linuksam biez paraŭnańnia bolšyja.

Lik – 1:3

Inšaje

Mac heta nia tolki asobna ŭziataja OS, heta cełaja siamiejka ipodaŭ, iphone, pryhožy design „žaleza”, jakim chočacca karystacca, a Apple nie padpuščaje iTunes i blizka da linuksa, tamu Kolecca. Chočacca. Kolecca. Chočacca. Kolecca. Chočacca… ;)

Ubuntu heta hołaja OS. Praŭda, jość roznyja jaje madyfikacyi, ale niama nivodnaha smartphona, jaki dobra supracoŭničaŭ by z Ubuntu. Z playerami (pa-za Mac-aŭskimi)  nia ŭsio tak drenna. Nu a smartphony štoraz praściej synchranizavać z chmarkaj, tamu ŭ pryncypie nia strašna.

Karystalnik Ubuntu aŭtamatyčna robicca ŭdzielnikam vialikaj tałaki: jon moža pryčynicca da raźvićcia systemy ci niekatorych prahramaŭ, MOŽA BYĆ KARYSNY inšym. Praŭda, tałaka hetaja maje svaje „ale” (biełaruskuju łacinku nijak nia mohuć prykrucić da standartnaha Ubuntu), ale jana jość, što aŭtamatyčna adkryvaje šyrejšyja patencyjnyja mahčymaści, čym u vypadku davoli biezdapamožnaj i bieskrytyčnaj u dačynieńni da OS X „jabłyčnaj hramadzkaści”.

Lik – 1:1

Zatoje ŭ Macu jość Dock i inšaja pryhažość!

Ja žartuju. Dakładniej, dock tam jość, ale taki samy (kali nia lepšy) možna prykrucić da luboj linuksnaj dystrybucyi. Kali jość patreba. Naahuł, z-pad Ubuntu lohka „zakasić” pad Leoparda. Z-pad Leoparda zakasić pad Ubuntu niama nijakaj mahčymaści. Navat za hrošy. Miž tym, ubuntaŭski zmoŭčany styl „Humanity” padajecca lepiej dapracavanym, za applaŭski vizualny matyŭ „Aqua”. A mahčymaść dastasavańnia jahonaj koleravaj gamy da svajho hustu — biascennaja reč, pra jakuju pad macintosham možna tolki maryć. Kali Ubuntu budzie raźvivacca (ŭ takim tempie j napramku) jak ciapier, praz paru hadoŭ jahonaja pieravaha budzie bačnaja ŭžo nia tolki paśla hłybiejšaha analizu, a prosta hołym vokam.

Lik – 1:1

Padsumoŭvajučy, Ubuntu daje bolšuju svabodu, pačućcio lepšaha kantrolu nad systemaj. Nia viedaju, adkul uziałosia pierakanańnie pra nadzvyčajnuju usability OS X. Nie darastaje jana da Ubuntaŭskaj, kali razabracca.

Adnym słovam, ja rady, što advažyŭsia zanurycca ŭ śviet OS X asabista. Heta dało cenny dośved, i mahčymaść siońniašniaha paraŭnańnia. Uzvažyŭšy roznyja „za” j „suprać”, ja nie dazvoliŭ by Leopardu kiravać svaim virtualnym dabrom, a pad Ubuntu rablu heta davoli ŭpeŭniena. Pad Macam možna pisać pa-biełarusku, ale lepšy kantrol (pravierka pravapisu) daje Ubuntu. Možna praciahvać hety śpis, uhłyblajučysia ŭ tyja ci inšyja niuansy, ale…

Punktami Mac prajhraje 4:8.

▢ Moža ciabie zacikavić taksama heta:

1. SCIM u apošnim Ubuntu
2. „Розкладко руска Францызско Скоріны”, abo jak pisać, kab nie абпісаццо
3. Davodzim Ubuntu da ładu
4. Łacinka ŭ Ubuntu
5. BACKUP pierad aktualizacyjaj versii Ubuntu