Adnosna niadaŭna

Ubuntu 8.04 nabližajecca šyrokimi krokami, i, nie zvažajučy na ŭsie chiby bety, jakoj ja paru dzion pakarystaŭsia, hetaja dystrybucyja ŭsim nam śviecić.

Hetaja instrukcyja paŭstała z roznych maich dopisaŭ i natatak. Vyrašyŭ usio sabrać u adzin dopis, kab užo nie razdrabniacca na inšyja. Jana napisanaja pad mianie, kab nie šukać u siecivie j nie vypytvać Booxtera (jakomu dziakuj, darečy, bo heta ŭ asnoŭnym kanspekt paradaŭ ad jaho) ŭ 10 raz pra adno j toje ž. Ssabojka, karaciej.

Paśla instalacyi systemy, aktualizacyi pakunkaŭ i uklučeńnia ŭłasnasych drajveraŭ (bieź jakich nie ŭjaŭlaju sabie narmalnaj pracy systemy), a taksama instalacyi nieabchodnych dadatkovych prahramaŭ (u mianie heta: /zvyčajnym metadam/ audacity, liferea, acidip, banshee, vlc, epiphany, meld, poedit, wine, gtkpod, gpixpod, /praz Synaptic/ alien, antiword) ja zvyčajna ŭklučaju absłuhu movaŭ. Jak standart polskaja j biełaruskaja. Paśla hetaha pačynajemcca „tuning” :).

Robim interfejs łacinkavym

1. Dadajem biełaruskija pierakłady ŭ systemu: System > Administration > Languages. Vybirajem “Byelorussian”, instalujem moŭnyja pakunki.

2. Redahujem fajł z definicyjami lakalnaściaŭ:

sudo gedit /var/lib/locales/supported.d/be

…kab toj vyhladaŭ takim čynam:

be_BY.CP1251 CP1251
be_BY.UTF-8 UTF-8
be_BY.UTF-8@latin UTF-8
be_BY.UTF-8@classic UTF-8

3. Generujem fajły lakalnaściaŭ:

sudo dpkg-reconfigure locales

4. Źmianiajem fajł definicyj lakalnaściaŭ, dastupnych dla pačatku sesii:

sudo gedit /etc/gdm/locale.conf

Źmianiajem radok:
Belarusian(Belarus) be_BY@latin

na
Belarusian(Latin) be_BY.UTF-8@latin,be_BY@latin

5. Restartujem Gnome Desktop Manager, papiarednie zachavaŭšy ŭsiu važnuju infarmacyju hetaj sesii (sesija budzie zabitaja, i zhubiacca ŭsie niezapisanyja na dysk źviestki):

sudo /etc/init.d/gdm restart

(u mianie heta nie spracoŭvaje, tamu restart kamptara)

6. Padčas uvachodu ŭ novuju sesiju abirajem u śpisie movu “Belarusian (Latin)”.

Instalujem aspell dla pravierki abodvuch pravapisaŭ

1. Ściahvajem: ftp://ftp.gnu.org/gnu/aspell/dict/be/aspell5-be-0.01.tar.bz2
2. Raspakujem ściahnuty fajł: tar xvjf aspell5-be-0.01.tar.bz2
3. cd aspell5-be-0.01/
4. ./configure
5. make
6. sudo make install

Potym možna znajści hetuju praviarałku naprykład pad Gedit. Praviarałki pad łacinku niama. Adzinym viadomym mnie sposabam jość kanvertavańnie na kirylicu i pravierka, ale kamu b chaciełasia…

Vizualnyja efekty

Vam heta chutčej za ŭsio nie spatrebicca, ale mnie nieabchodna było znajści sposab ašukać systemu, kab jana dazvoliła ŭklučyć efekty navat z majoj słaboj hrafičnaj kartkaj.

gksudo gedit /usr/bin/compiz

Znajści frahment:

# Minimum amount of memory (in kilo bytes) that nVidia cards need
# to be allowed to start
# Set to 262144 to require 256MB
NVIDIA_MEMORY="65536" # 64MB
NVIDIA_SETTINGS="nvidia-settings" # Assume it's in the path by default

I pierarabić jaho na takoje:

# Minimum amount of memory (in kilo bytes) that nVidia cards need
# to be allowed to start
# Set to 262144 to require 256MB
# Set to 30000 to hack around 64MB minimum limit
# Set to 65536 to revert back to 64MB (default)
NVIDIA_MEMORY="30000" # 32MB
NVIDIA_SETTINGS="nvidia-settings" # Assume it's in the path by default

Vizualnyja efekty buduć pracavać da pieršaj aktualizacyi Compiza. Tamu Compiz lepiej albo nie aktualizavać, albo za kožnym razam redahavać nałady jak tut. Moža kali-niebudź budzie lepiej.

Dakładnaje dastasavańnie Compiz-Fusion da svaich patrebaŭ mahčymaje praz adpaviednuju prahramku:

sudo apt-get install compizconfig-settings-manager

Jana budzie dastupnaja z menu Systema > Nałady. Bolej pra hetyja efekty možna pačytać tut.

Pišam kirylicaj biez raskładki

Zrazumieła, pisać možna i z raskładkaj, kali pad rukoj jość roznakalarovaja klavijatura, albo kali pisać biaz zroku, ale mnie, zvyčajnamu śmiarotnamu, dy jašče j nie zacikaŭlenamu zapaskudžvańniem klavijatury nalepkami, bolš padabajecca pisać pry dapamozie metadaŭ uvodu.

Kali vam heta treba, musicie

1. zainstalavać prahramy scim i scim-m17. Praz Synaptic.

2. U tečku /usr/share/m17n/ pieranieści fajł *.mim.

3. U vypadku Ubuntu, stvaryć fajł /etc/X11/Xsession.d/74custom-scim_startup sa źmiestam:

export XMODIFIERS="@im=SCIM"export GTK_IM_MODULE="scim"export XIM_PROGRAM="scim -d"export QT_IM_MODULE="scim"

Uruchomić sesiju znoŭ. Na paneli pryładździa pajavicca ikonka SCIM a ŭ joj vybar, siarod inšych, biełaruskaj movy. Byvaje, što nie pajaŭlajecca. Tady treba prapisać scim u jakaści prahramaŭ, uruchamlanych pry starcie. Byvaje, što nie zvvažajučy na heta systema ihnaruje scim u jakaści zmoŭčanaha metadu ŭvodu. Tady ŭručnuju pieraklučać.

Tryvała prymantoŭvajem windowsnyja dyski/partycyi

<code>sudo apt-get install ntfs-config
sudo ntfs-config</code>

Voś i ŭsio. Možna pracavać.

Mnie patrebny jašče niekatoryja elementy hrafičnych matyvaŭ, kab maksymalna dastasavać systemu pad siabie, ale heta asobnaja historyja. Kali niebudź apublikuju svaju kampazycyju, a pakul što jaje niama.

▢ Moža ciabie zacikavić taksama

1. SCIM u apošnim Ubuntu
2. Prymacoŭvajem windowsnyja dyski
3. Vizualnyja efekty ŭ maim Ubuntu
4. Łacinizujem ź Linuksam
5. Pišam kirylicaj biez raskładki

Tags: Linux, Ubuntu

By Aleksander | 1. Apr 2008 | Hacks, Linux | 2 Comments »