Adnosna niadaŭna…

Adnaznačnym plusam sioletniaj viasny źjaŭlajecca apošniaja moda. Nia viedaju, ci zaŭvažyli vy, što paśla šaravaraŭ à la „ja ŭciakła z tureckaha pałonu” byŭ karotki peryjad zavužanych šaravaraŭ, jakija ŭ vakolicy azadka nahadvali pra svoj radavod — à la „ja ŭciakła z tureckaha pałonu ŭ šaravarach, na try pamiery mienšych, čym treba, a toje, što źvisaje ŭ mianie za azadkam… nu heta tamu, što ŭciakać było strašna”.

I voś narešcie nabližajecca ciopłaja para, a ź joj moda na kałhotki-ablipony. Maje ŭlubionyja. :) Spadziajusia, u hetym buduć chadzić tolki modnicy žanočaha rodu. Mužyki, ja na vas vielmi raźličvaju.

Kali vy nia ŭ kursie, biełaruskija lakalizatary supolnym frontam rušyli ŭ boj za prysabiečvańnie interfejsaŭ. Prynamsi, tak heta vyhladaje.

Nie zvažajučy na (niajasny) ŭdzieł u hetym TBM, inicyjatyva dobraja. Praŭda, u majoj pamiaci takich dobrych inicyjatyvaŭ nie adna, i nia dźvie, ale musić ža kali-niebudź adbycca praryŭ.

Rekamenduju abaznanym.

Toj, chto ŭžyvaje Aspell dziela pravierki biełaruskaha pravapisu, viedaje, što słoŭnik hety daloka nie daskanały. Z druhoha boku, ničoha lepšaha ŭ nas niama. Ja niekatory ŭžo čas na pryvatny ŭžytak rablu dadatak da Aspell — z dapaŭnieńniami j papraŭkami.

Vyrašyŭ pačastavać zacikaŭlenych. Fajły buduć abnaŭlacca raz na 6 miesiacaŭ, i  ich zaŭždy možna budzie znajści ŭ mianie ŭ Razdačach.